Seguimos informando!!!😁 Xa no segundo trimestre, as nenas e nenos de 3º e 4º de educación primaria descubriron que hai unha morea de xardíns flotantes ao longo do mundo. De feito, buscaron ao longo do planeta coa axuda de Atlas, google maps e mapamundis. Atopámonos con que estes xardíns contribúen a moitos dos ODS que coñecemos. Dada a súa utilidade, decidimos crear os nosos propios xardíns flotantes a escala con materiais de refugallo. Para poder construílos tivemos que informarnos sobre a súa construción, tomar medidas, chegar a acordos, decidir sobre a forma e os materiais, así coma a finalidade que ían ter; crear os prototipos, demostrar a súa flotación e resistencia... Toda unha tarefa de enxeñaría! Podedes ver a programación da tarefa no seguinte enlace: http://www.edu.xunta.gal/centros/ceipnumero1tui/system/files/STEAM%203%C2%BA%20E%204%C2%BA%20EP%202%C2%BA%20TRIMESTRE.pdf

  Boas novas! Durante o primeiro trimestre os nenos e nenas de 3º e 4º de educación primaria estiveron moi ocupados investigando sobre o corpo humano! Todo comezou con catro estacións de traballo que nos permitiron afondar no coñecemento sobre o noso corpo e a súa composición,   hábitos de vida saudable, conectividade e condutibilidade e sobre programación. Para iso, empregamos diversas fontes da biblioteca, ademais dos robots, o makey-makey, obxectos da vida cotiá... Na estación sobre o corpo tivemos que ler unha serie de pistas que nos ían guiando ao longo do taboleiro. Cada casa daba unha pista para poder localizar a palabra chave. Na zona de condutibilidade e conectividade tratamos d facer un piano con diferentes materiais, o que nos permitiu descubrir cales son mellores condutores. Para programar, tivemos diferentes retos; a medida que os pasabamos iamos conseguindo bonus que nos permitían ir facendo cada vez escenarios máis complicados. Fixemos de médicos e médicas, ...

A primeira tarefa de STEAM en 5º e 6º consistiu en afianzar o coñecemento do corpo humano.  Combinando a gamificación, o traballo cooperativo, a robótica, a destreza manual, a investigación, a resolución de problemas...e a realidade aumentada coas tarxetas de Body Cards!!! As regras do Xogo insisten no traballo en equipo, con o que se traballa a organización, o respeto, a escoita e a participación de todos os membros. O obxectivo do Xogo é completar a silueta do corpo humano coas partes que se conseguen resolvendo os distintos retos:     1.- Os participantes debuxan sobre un papel a silueta humana co contorno dun membro do equipo.     2.- Sortean un número do 1 ao 11 para decidir o reto.     3.- Programan o robot para que chegue á casilla correcta.     4.- Debaixo de cada número hai unha tarxeta co reto sobre contidos do corpo humano. Para superamos poden buscar información nas body cards, nas fichas colgada...

 Nesta tarefa centrémonos nos ODS de Saúde e benestar. Comezamos a nosa tarefa cunha caixa con material variado: unha dentadura, libros sobre alimentación, azucre... Observamos que entre todos os elementos podía haber un vínculo: o azucre, e por ahí vai a nosa investigación. Realmente sabemos de onde ven o azucre? Canto azucre ten o que comemos? incluso alimentos que non deberían ter azucre, o teñen, e para iso, utilizamos as imaxes da web:  https://www.sinazucar.org  onde miramos aqueles alimentos máis frecuentes que consumen os cativos, e a cantidade de azucre que tiñan, e veíamos a equivalencia en bolsiñas de azucre. Nun vídeo, tamén observamos como é o proceso de elaboración do azucre, que pode vir da caña de azucre, do auga de coco, da remolacha... E comezamos a investigar se o azucre é bo ou malo para o noso corpo, e cal é a cantidade adecuada para tomar ao día se temos un consumo responsable. E para iso, utilizamos os libros da biblioteca, que nos axudaron moito, e...

 Na primeira tarefa de STEAM en infantil fusionamos a reciclaxe e a programación. A primeira proposta foi a lectura do libro "Non é unha caixa" da editorial Kalandraka, e despois tiñan repartido polo espazo caixas e trozos grandes de papel para crear e xogar con elas, lembrando que para pasalo ben, non hai que facelo soamente con xoguetes mercados na tenda.  Despois pasamos a  investigar nos libros da biblioteca sobre reciclaxe: o que acontece co que tiramos aos diferentes cubos, cousas novas que se poden crear... No caso dos maiores, moitas cousas xa as lembraban, coma a separación nos diferentes contenedores, pero para os máis peques era algo máis novo e aproveitamos para poñer os carteis do que vai nos diferentes cubos na clase.  E o seguinte foi, pasar a programar!! Primeiro, transformámonos en robots, porque para aprender a programar un robot, o mellor é vivencialo co noso corpo. E como queremos axudar ao planeta, estes robots tiñan que levar o residuo ao lixo c...