Boas novas!
Durante o
primeiro trimestre os nenos e nenas de 3º e 4º de educación primaria estiveron
moi ocupados investigando sobre o corpo humano!
Todo comezou con
catro estacións de traballo que nos permitiron afondar no coñecemento sobre o
noso corpo e a súa composición, hábitos
de vida saudable, conectividade e condutibilidade e sobre programación. Para
iso, empregamos diversas fontes da biblioteca, ademais dos robots, o
makey-makey, obxectos da vida cotiá...
Na estación sobre o corpo tivemos que ler unha serie de pistas que nos ían guiando ao longo do taboleiro. Cada casa daba unha pista para poder localizar a palabra chave.
Na zona de condutibilidade e conectividade tratamos d facer un piano con diferentes materiais, o que nos permitiu descubrir cales son mellores condutores.
Para programar, tivemos diferentes retos; a medida que os pasabamos iamos conseguindo bonus que nos permitían ir facendo cada vez escenarios máis complicados.
Fixemos de médicos e médicas, a través do xogo do "Virus", facéndolle un historial clínico ao noso ou nosa paciente, recomendándolle hábitos de vida saudables para unha mellor recuperación.
Podedes ver a programación da tarefa no seguinte enlace: http://www.edu.xunta.gal/centros/ceipnumero1tui/system/files/PLANTILLA%20TAREFA.pdf
Comentarios
Publicar un comentario