2º tarefa ámbito steam infantil e 1º de E.P "Comunidade Freak"
Seguimos coa nosa tarefa “Comunidade Freak” deseñando e confeccionando o noso propio cosplay. Utilizamos roupa vella, comprendendo que a REUTILIZACIÓN é o primeiro paso para frenar a contaminación. Primeiro investigamos de onde ven a roupa que usamos, como e onde se fai e cal é a pegada ecolóxica da industria téxtil. Descubrimos que un dos grandes tóxicos son os tintes que se utilizan para dar cor ás nosas prendas e buscamos alternativas naturais para darlle cor ao noso cosplay. Centrámosnos na elaboración de capas e bastóns como complemento da nosa personaxe. Descubrimos plantas con pigmentos moi fortes, aprendimos a tinguir con eles, cortar, atar, poñer botóns e deixamos voar a nosa imaxinación para decorar as nosas capas.
Comentarios
Publicar un comentario